| About the Senator 
|
Quick Links
|
What's New?
|
| | |
Posted: August 17th, 2011 @ 12:51am
Sen. Estrada Privilege Speech on Art Exhibit "Kulo" |
ANG INYO PONG LINGKOD AY NAGING BAHAGI DIN, AT PATULOY NA SUMUSUPORTA, SA ISANG MUNDONG NAGTATAGUYOD NG SINING SA LARANGAN NAMAN NG PELIKULA. SA LOOB NG MARAMING TAON, NASAKSIHAN KO ANG PAGTATANGHAL NG MGA NATATANGING PELIKULA NA HINDI LAMANG PUMUKAW SA DAMDAMIN NG MANONOOD, KUNG HINDI NAGBUKAS SA KANILANG ISIPAN UKOL SA MGA PROBLEMA AT ISYUNG BUMABAGABAG SA PAMAHALAAN AT LIPUNAN.
TAYO PO AY NAGIMBAL SA ISANG EXHIBIT NA ISINAGAWA SA CULTURAL CENTER OF THE PHILIPPINES NA NAGSIMULA NOON IKA-17 NG HUNYO 2011 AT TATAGAL SANA HANGGANG SA IKA-21 NG AGOSTO.
ANG NASABING EXHIBIT AY GINANAP UPANG GUNITAIN ANG IKA-ISANG DAAN AT LIMANGPUNG TAON NG KAPANGANAKAN NG ATING PAMBANSANG BAYANI NA SI GAT JOSE RIZAL AT KAALINSABAY NG IKA-APAT NA RAANG TAONG ANIBERSARYO NG PAGKAKATATAG NG ISANG KILALANG PAMANTASAN DITO SA ATING BANSA.
WALA SANANG MASAMA DOON, NGUNIT, ANG NAKAKA-SUKA AY SINAMAHAN ITO NG IMAHE NG ATING PANGINOONG HESUKRISTO NA DINIKITAN NG ISANG ASHTRAY SA KANYANG MUKHA NA MAY KASAMANG PAG-AARI NG ISANG LALAKI AT MAY KASAMA PANG ROSARYO NA NAKASABIT SA NASABING ARI. DAGDAG DITO AY ANG IBA’T IBANG IMAHE NG ATING PANGINOONG HESUKRISTO NA GINAWANG “MICKEY MOUSE” ANG MUKHA NA PARABAGANG ITO AY ISANG KATAWA-TAWANG EKSENA.
KASAMA DIN DITO ANG SAGRADONG KRUS NA NILAGYAN NG ARI NG LALAKI SA BANDANG IBABA AT SINABITAN PA NG MGA CONDOMS.
PAMBABABOY SA MGA IMAHE NG SUGO NG DIYOS AT NG KANYANG INA. PAMBABASTOS SA KRUS NA SIMBOLO NG SAKRIPISYONG INIALAY NI HESUKRISTO PARA SA SANGKATAUHAN AT PANGHAHALAY SA MGA SIMBOLO NG PANANAMPALATAYA NG MILYUN-MILYONG KRISTIYANO AY, SA AKING PALAGAY, GAWAIN LAMANG NG ISANG NASISIRAAN NG BAIT AT ISANG DEMONYONG UMAKYAT SA LUPA SAPAGKAT ANG PANGINOONG HESUKRISTO AY ANG PINAKA SIMBOLO NG ATING TAGAPAGLIGTAS AT SA MGA KATOLIKO AY ISA SA PINAKA-SAGRADONG BAGAY AT IGINAGALANG.
HINDI PO NATIN DAPAT PABAYAAN AT PALAMPASIN ANG GANITONG URI NG KALAPASTANGANAN.
NARARAPAT LAMANG NA KONDENAHIN NATING LAHAT ANG GANITONG URI NG MGA GAWAIN AT KUNG MAAARI AY BIGYAN SILA NG LEKSYON SA PAMAMAGITAN NG KARAMPATANG REKLAMO AT GAWARAN SILA NG PINAKAMABIGAT NA PARUSA SA ILALIM NG ATING MGA BATAS.
MR. PRESIDENT, DISTINGUISHED COLLEAGUES, TODAY I AM SPEAKING OUT AGAINST WHAT I BELIEVE TO BE AN OUTRAGEOUS ABUSE OF ARTISTRY AND FREEDOM OF EXPRESSION.
HINDI KAILANMAN ITO DAPAT PAHINTULUTAN SAPAGKAT ITO PO AY MALIWANAG NA ISANG PAGHAMAK SA ATING MGA KATOLIKO AT SA LAHAT NG MGA NANINIWALA SA POONG MAY KAPAL.
BAGAMAT ITO AY IPINASARADO NA NG CULTURAL CENTER OF THE PHILIPPINES, ANG NASABING EXHIBIT AY HINDING-HINDI NA DAPAT PAYAGANG MULI.
AT BAGO AKO MAGTAPOS, HINIHILING KO NA DAHIL SA KAPABAYAAN NG MGA BOARD OF DIRECTORS NG CULTURAL CENTER OF THE PHILIPPINES, NA BUSISIIN AT SURIING MABUTI ANG SINUMANG NAGNANAIS NA MAGPA-EXHIBIT SA KANILA, SILA AY DAPAT NA MAGBITIW SA KANILANG TUNGKULIN SIMULA SA ARAW NA ITO.
NAWA’Y MAGISING ANG KAMALAYAN NG ATING KABABAYAN NA ANG KANILANG GINAWA AY ISANG KALAPASTANGANAN SA ATING LAHAT NA MAY PANANALIG SA POONG MAYKAPAL.
Jinggoy Journal - Volume 5, Issue 4, August 2011
|
| |
To subscribe to our enewsletter, please enter your email address in the box above and click the "Subscribe" button.
 |
|
| S | M | T | W | T | F | S | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | | | |
|
|
|
| |
